Қарағандыда бораннан соң қардың бетінде «Алла» деген жазу пайда болды (фото, видео)
Фото: baq.kz
Осы орайда, Baq.kz сайты істің мән-жайын анықтауға тырысқан.
«Бейнероликтегі мешіт Бұқар Жырау ауданының орталығында орналасқан. Өзім де аң-таңмын. Ақпараттың шынайылығына көз жеткізу үшін мәлімет іздестіріп жатырмын. Біздің мешітте қазіргі уақытта имам жоқ. Әлі бекітілмеді. Сондықтан да, бұл ақпараттың растығы анықталу үстінде», — деп мәлімдеді аудан әкімдігінің баспасөз хатшысы Сымбат Қуанышева.
Ол ақпараттың шынайылығына көз жеткізу үшін мешітке барып, жазуды өз көзімен көрген.
«Жазу қар үстінде жазылғандықтан табиғат құбылысының әсерінен, не болмаса адам қолымен жазылғандығын түсіну қиын. Жазудың маңайында адам іздері көп. Тұрғындар келіп, көрген болуы керек», — дейді ол.
Ал сол мешітте қызмет істейтін мамандар жазудың, сөзсіз, табиғи құбылыс екенін алға тартып отыр.
«Жазудың адам қолымен жазылмағандығы белгілі. Бұл табиғи құбылыстың әсерінен болған бейне. Жазуды арнайы теологтар келіп тексеретін болар. Әзірге жамағат бұл жазуды көріп, таңғалуда», — дейді азаншы Рүстем Акош.
Винтоверт DeWalt PowerStack DCF850E1T-QW АКБ и ЗУ в комплекте