Атыраулық жігіт сүйіктісін ренжіткен колледж оқушысын пышақтап тастады

Атыраулық жігіт өз сүйіктісін ренжіткені үшін колледж оқушысына пышақ салып алды деп хабарлайды Ақжайық басылымы.

Қыздың жігіті сүйіктісін ренжіткен курстасымен мәселені шешу үшін ол оқып жатқан колледжге келеді. Олар оқу орнының ауласында сөйлескен. Осы кезде араларында жанжал туып, қыздың жігіті пышағын суырып алып, қарсыласының ішіне тығып алады да, оқиға орнынан қашып кетеді.

Облыстық соттың баспасөз қызметі хабарлағандай, полиция Қылмыстық кодекстің  106-бабы («Денсаулыққа қасақана ауыр зиян келтiру») бойынша қылмыстық іс қозғады.

Сотта сотталушы кінәсін мойындау туралы іс жүргізу келісімшартын жасады. №2 Атырау қалалық соты оған 3 жылға бас бостандығын шектеу үкімін шығарды.

Винтоверт DeWalt PowerStack DCF850E1T-QW АКБ и ЗУ в комплекте