Ауыл мұғаліміне қалыңдық сыйлаған президент елдің алғысына бөленді (видео)
Той. Видеодан скриншот
Бір ай бұрын 23 жастағы Саидшо Асроров той туралы армандамаған да еді. Алайда жақында Тәжікстан президенті оған қалыңдық сыйлап, өзі үйлендіріп тастады. Бұл туралы NUR.KZ порталы ru.oxu.az сайтына сілтеме жасап хабарлайды.
Тәжікстанның шалғай ауылында тарих пәнінің мұғалімі болып жұмыс істейтін Саидшо 16 тамыз күні өңірге іссапармен келген Тәжікстан президенті Эмомали Рахмонның алдында сөз сөйлейді.
Асроров президентті көргеніне қатты қуанышты екенін айтып, оған арнап шығарған өлеңін оқып береді. Бұған разы болған Эмомали Рахмон жас жігіттен үйленген-үйленбегенін сұрайды.
Мұғалімнің әлі жалғызбасты екенін ұққан президент Бохтар ауданының басшыларына Асроровқа қалыңдық тауып, той жасап беруін бұйырған.
Аудан билігі президенттің бұйрығын бұлжытпай орындап, әріптесінің қызына құда түседі. Медбике болып қызмет ететін жас қыз тұрмысқа шығу үшін келісімін бермес бұрын бір шартын орындауды сұраған. Бойжеткен болашақ жарының оған жұмыс істеуіне тыйым салмағанын қалайды екен.
Асроров бұл талабын орындауға әзір екенін алға тартып, екі жұп некеге ризашылығын білдірді.
Бойжеткенге құда түсуге жергілікті билік органдарының қызметінен құралған бүтін бір делегация аттанған. Той президентпен кездесуден кейін 10 күн болғанда өтіп, ел назарына ілікті.
Винтоверт DeWalt PowerStack DCF850E1T-QW АКБ и ЗУ в комплекте