Аяғы ауыр келіншек құрсағынан әжесінің бейнесін көріп таң қалды (фото)
Фото: metro.co.uk
15 апталық кезінде жүктіліктің жалпы барысын тексертіп жатқан Луиза, УДЗ аппаратының экранындағы ұрықтың жалпы суретінен өзіне таныс бейнені байқап қалды. Ол кескінді әрі-бері ұқсатып, 2001 жылы өмірден озған әжесінен аумайтынын білген кезде таңқалысында шек болмады.
66 жасында дүние салған әжесінің қазасына кезінде Луиза қатты қынжылған екен. Әжесінің ең болмағанда 70-ке жете алмай кеткені оның қабырғасын қайыстырды.
Он бес жылдан астам уақыт өткен кезде әжесінің келбеті көрініс берген бұл оқиғаны келіншек тек ғана жақсыға жорып отыр. Ол тіпті құрсағындағы болашақ баласын әжесінің рухы желеп-жебеп жүргендігін барлығына айтатын болған.
Енді Луиза бұл ультрадыбыспен зерттеу суретінің сыртын қаптап, бөлмесіне іліп қоймақшы. Тағы бір қызығы, осыған дейін ұл мен қыз тәрбиелеп отырған Луиза осы жолғы баласын, неге екені белгісіз, қыз бала болар деп топшылап келген екен.
Бірақ, зерттеу нәтижесінде оның аяғы ер балаға ауыр екені анықталды.
Винтоверт DeWalt PowerStack DCF850E1T-QW АКБ и ЗУ в комплекте