Басшысына ызаланып 50 жолаушыны өртеп жіберген қаскөй өлім жазасына кесілді
Өлім жазасы. Көрнекі фото kommersant.ru
Қытайдың Иньчуань қаласының Ма Юнпин есімді тұрғыны 50 жолаушысы бар автобусты өртеп жібергені үшін өлім жазасына кесілді. Бұл туралы Shanghai Daily ақпарына сілтеме жасаған ras.kz хабарлады.
Автобустың өрт құшағына көмілуі нәтижесінде 18 адам қаза тауып, 32 адамды әртүрлі деңгейде күйік шалған. Қаныпезер мұндай қадамға жұмыс берушісіне назалануы салдарынан барған деседі.
ҚХР жоғарғы соты 28 қыркүйек, сәрсенбі күні Ма Юнпиннің берген апелляциясын қабылдаған жоқ. Ол орта инстанциядағы халық судьясы осының алдында шығарған өлім жазасы жөніндегі үкімді күшінде қалдырды.
Бұдан бұрын жұмыс берушісіне ренжіген құрылысшы Ма Юнпиннің 5 қаңтар күні жынын жанынан өтіп бара жатқан жолаушылар автобусынан алмақ болғаны хабарланған болатын.
Винтоверт DeWalt PowerStack DCF850E1T-QW АКБ и ЗУ в комплекте