Бибігүл Жексенбай Тоқаевтың кеңесшісі болып тағайындалды
Бибігүл Жексенбай. Фото: shalkarfm.kz
Бибігүл Жексенбай Қасым-Жомарт Тоқаевтың кеңесшісі болып тағайындалды, деп хабарлайды парламенті сенатының баспасөз қызметіне сілтеме жасап Baq.kz.
«Бибігүл Нұрғалиқызы Жексенбай парламент сенаты төрағасының бұқаралық ақпарат құралдарымен өзара іс-қимыл мәселелері жөніндегі кеңесшісі болып тағайындалды», — делінген хабарламада.
Бибігүл Жексенбай қызметтік жолын 1992 жылы «Спорт» республикалық басылымында тілші болып бастаған. Кейінірек республикалық қоғамдық-саяси «Жас Алаш» газетінде жұмыс істеді. «Атамұра» басылымының тілшісі болып қызмет атқарды. Редактор, продюсер қызметтерін атқарды, кейіннен «Хабар» агенттігінің директоры болып тағайындалды.
Сондай-ақ, Бибігүл Жексенбай «Қазақстан» телерадио корпорациясында да жұмыс істеді.2008 жылдың қыркүйегінен бастап Бибігүл Жексенбай «Эра» ТВ бас директорының орынбасары – бас редакторы қызметін атқарды. 2010 жылдың мамырынан «Жетінші арна» бас директоры болды, 2011 жылдың қаңтарынан – «Жетінші арна» ТВ директорлар кеңесінің төрайымы.
Айта кетсек, Б.Жексенбай бас редакторлар клубының президенті.
Винтоверт DeWalt PowerStack DCF850E1T-QW АКБ и ЗУ в комплекте