Депутаттар «Нұрлы жер» бағдарламасында бір қауіптің барын айтты

«Әр қазақстандыққа тегін жер телімі берілсін» деп жұрт шу шығарған соң, президент арнайы бағдарлама әзірлеуді тапсырғаны естеріңізде болар. Үш айдан кейін «Нұрлы жерді» үкіметте таныстырған министрлік бүгін бағдарламаны депутаттар алдына алып келді.

Мәжілісмендер құжатқа қарсы емес, бірақ бір қауіптің барын айтып қалды. Сондай-ақ,жаңа жылдан кейін  депутаттар ел-жұртты өздері  аралап,  бағдарламаны халыққа өзіміз түсіндіріп береміз деп білек сыбанып отыр.

Елде 2 жарым миллионға жуық адам үй-күйсіз. Жартысынан көбі тегін телімге телміріп, жер үй сұрап отырса, қалған 1 миллиондайы пәтерге дәмелі. Жаңа «Нұрлы жер» бағдарламасы бойынша бұқара ипотеканы енді 10 пайызбен ала алады.

Ай сайын Астана мен Алматы тұрғындары баспанасы үшін 160 мыңдай төлесе, өзге өңірдегілер 115 мың банкке беріп отырады. Министрлік су тегін деген соманы естіген депутаттар дүрсе қоя берді.

«Қолжетімді дегенге мен сене алмаймын. Мұғалімдер мен дәрігерлердің орташа жалақысы 70 мың теңгенің көлемінде болса, ай сайын 200 мың теңгені халық қайдан алады? Салып жатқан үйлерінің де сапасы жоғары емес», — деп өз пікірін білдірді ҚР Парламенті мәжілісінің депутаты Омархан Өксікбаева. 

Жалпы бағдарламаға 1,8 трлн теңге жұмсалады. Орындалу ойдағыдай болса, үй-күйсіз жүрген 2 жарым миллион адамның 1 жарымы баспаналы болып қалмақ.

Винтоверт DeWalt PowerStack DCF850E1T-QW АКБ и ЗУ в комплекте