ЕЭК: Қазақстан Қырғызстанмен шекарадағы кедергілерді алып тастауы тиіс
Маусым айының басында Қырғызстан мемлекеттік органдары мен Еуразия экономикалық комиссия (ЕЭК) өкілдері қырғыз-қазақ шекарасындағы бақылау-өткізу бекеттерін аралады.
Бұл туралы Қырғызстан экономика және сауда министрлігінің баспасөз қызметі 9 маусымда хабарлады.
Министрлік мәліметінше, шекара бекеттерін аралау кезінде «Қордай» және «Қарасуу» бақылау-өткізу пунктерінде Қазақстан мемлекеттік кіріс комитетінің қызметкерлері жұмыс істеп жүргені, олар жүк көліктеріне қатысты салық шараларын өткізгені анықталды. Мұндай әрекет ЕАЭО ережелері мен басты қағидаларына қайшы.
«Делегация мүшелері қырғыз жағы ЕАЭО туралы келісім ережелерін бұзбағанын көрді», деп хабарлады қырғыз министрлігі.
Мәліметтерге қарағанда, делегация қазақ жағын ЕАЭО туралы келісім ережелерін сақтауға, шекарадағы кедергілерді жоюға шақырды.
Қырғызстан мен Қазақстан шекарасында қырғыз жағында жүк көліктері үнемі кезек күтіп қалады. Кейде мұндай кезек бірнеше шақырымға созылып кетеді. Шекарадағы бақылау мәселесі көрші елдер арасында бірнеше мәрте дау туғызған. Кезінде бұл дау Дүниежүзілік сауда ұйымына дейін жеткен.
Винтоверт DeWalt PowerStack DCF850E1T-QW АКБ и ЗУ в комплекте