Мұхамеджан Тазабек қоғамдағы азғындықтарды ақырзаман белгісі деп атады
Мұхамеджан Тазабек
Бұл туралы ол өзінің Instagram желісіндегі парақшасында айтты.
Ол қазіргі кездегі жантүршігерлік жайттарға көз жұма қарай алмайтынын білліріп, өзінің жанайқайын жеткізді.
«Бір жақта белсіздікке ұшырап, беделден ажырап жатқан отағасылар, бір жақта немересіндей бүлдіршінге шауып, бүлініп жатқан опасыздар… Ақырзаманның белгісі емей немене?!
«Әй, дейтін әже мен қой дейтін қожаның» ауылы алыста қалды. Көшеге шықсаң көзің, дыбыс шықса құлағың қоздырушы ақпаратты алып кеп, қу жүрекке құйып жатыр. Ақылға бағынатын ағза қалмады. Бұзылған жүрек пен құтырған нәпсінің қалауын орындап шауып бара жатқан жұрт. Дарақы отырыс, даңғаза әуен билеп тұр бізді. Арам ойлы аға, желіккен жеңге көбейді.
«Құдашадан құр қалма» деп, әзілдегендердің бүгінгі ұрпағы сәбиге көзін сүзіп отырған сүмелек, сұмдарды өсіріп шығарды. «Құдайдан қорықпағаннан қорық» деген ел едік.
Алладан алыстадық па? Дәстүрден жырақтадық па? Тәрбиені тәрк еттік пе? Әлемнің үрдісін үйреніп аламыз деп жүргенде жамандық үлгісіне иленіп бара жатқандаймыз. Аллаға сиынып, отбасылық құндылықтарды құнттап, садақа беріп, сауап іздемесек, жамандық жар астында, бәле қыр астында. «Мүміннің ақысын Құдай жемейді» деген. Адал құлдарына Алла пана болсын», — деп жазды ол.
Винтоверт DeWalt PowerStack DCF850E1T-QW АКБ и ЗУ в комплекте