Мәскеуде жүріп ана тілін ұмытқан министр қазақша сұраққа жауап таппай қиналды

Бұл туралы 31 арна хабарлады.

Ал Мәскеуде бес жыл тұрып, ана тілін ұмытып қалған Тимур Сүлейменов үкімет сағатындағы үш сағатта тек орысша баяндап, орыс тілінде жауап берді.

Үкімет сағатына тыңғылықты әзірленіп келген Ұлттық экономика министрі кәсіпкерлікті дамыту үшін барлық жағдайдың жасалып жатқанына ұзақ тоқталды. Ең бастысы, бизнесті несиелеу үшін жыл сайын миллиардтаған қаржы мемлекет қазынасынан жұмсалып жатыр. Министрдің есебінше, бір ғана «Бизнестің жол картасы» бағдарламасына 344 миллиард теңге бөлінсе, субсидияға 146 миллиард теңге беріліпті.

Алайда, депутаттардың баяндамасы, министрдікінен басқаша шықты. «Даму» қоры арқылы мемлекеттен ақша алып отырған кәсіпкерлер жұмыс істемеген. Яғни субсидия құмға сіңген судай жоқ болып, бизнес өкілдері табыс салығын төлемеген, жұмыс орындарын ашпаған.

«Мемлекеттен қолдау алған кейбір кәсіпкерлер жұмыстарын тоқтатқан. Яғни бұл жерде айтуға болады, Даму қоры кәсіпкерлерге ақша таратумен айналысқан. Тиімсіз бағдарламаны жүзеге асырған», — дейді мәжіліс депутаты Нұртай Сабильянов.

Ал мәжілісмен Омархан Өксікбаев министрден жер дауына қатысты отставкаға кеткен Ерболат Досаев пен пара алды деп айыпталған Қуандық Бишімбаевтың қателігін қайталамауын сұрады….

«Тәуелсіздік алғалы бері 20-ші экономика министрлігін басқарған. Біреуі бағы жанып кетті, өзі жанып кетті, біреуі шулатып кетті. Енді сіздің артыңызда жақсы бір із қалса екен деген ниет айтқым келеді», — деді депутат Омархан Өксікбаев. 

Мәжілісмендердің экономика министріне сауалдары түске дейін тоқтамады. Әсіресе ана тіліндегі сауалдарға бірден жауап таппай терлеген Тимур Сүлейменовты депутаттардың қыспағынан тағы да вице-спикер құтқарып қалды. Владимир Божко 18 сұрақтан кейін ұмытшақ министрді үкімет сағатынан босатып жіберді.

Винтоверт DeWalt PowerStack DCF850E1T-QW АКБ и ЗУ в комплекте