НАСА Шолпанға екі зерттеу миссиясын жолдайды
Аэронавтика және ғарыш кеңістігін зерттеу жөніндегі ұлттық басқарма (НАСА) Шолпанға екі зерттеу миссиясын жіберетінін жариялады. Жаңа миссиялар планета атмосферасы мен геологиялық ерекшелігін зерттейді.
Миссиялардың мақсаты — Күнге жақын орналасқан екінші планетаның Жерге ұқсас бола тұра неге қатты ыстық екенін анықтау, деді НАСА-ның жаңа жетекшісі Билл Нельсон.
In today's #StateOfNASA address, we announced two new @NASASolarSystem missions to study the planet Venus, which we haven't visited in over 30 years! DAVINCI+ will analyze Venus’ atmosphere, and VERITAS will map Venus’ surface. pic.twitter.com/yC5Etbpgb8
— NASA (@NASA) June 2, 2021
«ДАВИНЧИ Плюс» деп аталатын миссия Шолпанның бұлтты атмосферасының тығыздығын зерттеп, бұрын бұл планетада Мұхиттар мен органикалық тіршілік болған-болмағанын анықтайды. АҚШ Шолпанды зерттеуге арналған соңғы миссиясын 1978 жылы жолдаған.
Жаңа миссиялардың бірі «ВЕРИТАС» деп аталады. Ғалымдар соның көмегімен Шолпанның геологиялық тарихын зерттеп, планетаның Жерге қарағанда басқаша даму себебін анықтайды.
«Біз Шолпан туралы өте аз білеміз. Сол себепті жаңа миссиялар планетаның көмірқышқыл газдан тұратын атмосферасынан бастап ядросына дейін зерттеуге көмектеседі. Біз жаңа планета ашқандай әсерде боламыз», — деп мәлімдеді НАСА-ның ғылыми зерттеушісі Том Вагнер.
Миссияның әрқайсына 500 миллион доллардан жұмсалады. Ғылымы сапарлар 2028 – 2030 жылдары жүзеге асырылады.
Винтоверт DeWalt PowerStack DCF850E1T-QW АКБ и ЗУ в комплекте