ОҚО-да мұғалімнің сөзін көтере алмаған оқушы жанжал шығарды

ОҚО-да оқушы ұстазының ескертуіне сөз қайтарып, мұғаліммен жанжалдасты. Бұл туралы «ТВК» арнасына сілтеме жасап NUR.KZ порталы хабарлайды.

Шәкірттің тәртіпсіздігін сыныптастары видеоға түсіріп алған. Видеода мұғалім сөзіне құлақ аспаған оқушыға «отыр» деп дауыс көтереді. Алайда оқушы бұл ескертуге ашуланып, ұстазына сөз қайтаруға кіріскен. Тіпті ерегісіп, ұстазға «Трат қолыңды, тұрып тұрамын» деп айқайлап жатыр.

Бұл жайттың қай мектепте және қашан болғаны белгісіз. Желі қолдангушылары болса, оқушының әрекетін ащы сынға алған.

«Көргенсіз оқушы екен. Ұят қой мынауың», «Біз кезінде мұғалімге қарап, апай деп айтуға қорқатынбыз, мынау не масқара?», «Қазір мұндай көрініске таң қалмаймыз, себебі шетелге еліктейміз, шетелде мұғалімді сыйлау үлкенді сыйлау деген жоқ, қазақ халқы да дәл солай түп тамырымызбен құртылып жатырмыз, оны сезіп-біліп жатқан ешкім жоқ», — дейді пікір қалдырушылар.

Винтоверт DeWalt PowerStack DCF850E1T-QW АКБ и ЗУ в комплекте