Шымкент: «Кәсіп бастаймын» деген тұрғын 1,6 миллион теңгесінен айырылды
Абай ауданының Полиция басқармасына жергілікті тұрғын арызданған. Ол өз арызында бейтаныс азаматша келіп, мемлекет тарапынан 5 000 000 (бес миллион) теңге алып беремін деп, сеніміне кіргенін, осылайша алаяқтық жолмен алдын ала 1 600 000 (бір миллион алты жүз мың) теңге алып кеткенін көрсеткен.
Тәртіп сақшылары аталған жайтты ҚК-тің 190-бабымен (Алаяқтық) тіркеуге алды.
Полиция қызметкерлері жедел-іздестіру іс-шараларын жүргізіп, нәтижесінде күдіктінің ізін суытпай тәулік ішінде қолға түсірді. Ол Шымкент қаласының 31 жастағы тұрғыны болып шықты. Жоғары білімді, уақытша жұмыссыз. Бұрын-соңды сотты болмаған.
Тергеу кезінде ұсталған азаматша ойланбай жасаған әрекетінің соңы қылмыстық жазамен аяқталатынын білмегендігін алға тартып, бұл үшін өкінетінін жеткізді.
Қазіргі кезде күдікті алған ақшаны жеке басының пайдасына жаратып жіберген. Сотқа дейінгі тергеу әрекеттері жалғасып жатыр.
Егер, Сіз алаяқтықтың құрбаны немесе куәгері болсаңыз, тез арада «102» арнасына хабарласыңыз. Сіздің берген ақпаратыңыз, қылмыстың тез арада ашылуына өз септігін тигізетінін ескеріңіз.
Шымкент қаласы Полиция департаментінің Баспасөз қызметі
Винтоверт DeWalt PowerStack DCF850E1T-QW АКБ и ЗУ в комплекте