Шымкентік полицейлер пәтер ұрлығын жасаған бойжеткенді құрықтады
Шымкент қаласы Полиция департаменті Абай аудандық полиция басқармасына 102 сымтетігі арқылы жергілікті тұрғын арызданған. Ол өз шағымында танысы үйде болмағанын пайдаланып, ұялы телефон мен бағалы мүліктерін қолды еткенін көрсетті. Белгілі болғандай жәбірленушіге 500 000 теңгеге жуық шығын келтірген.
Аталған жайт ҚР ҚК-нің 188- бабы 3 бөлім 2 тармағы бойынша тіркелді.
Сәйкесінше, тәртіп сақшылары арыз түскен сәттен бастап жедел іздестіру жұмыстарын жүргізді. Нәтижесінде күдікті қаладағы жалдамалы пәтердің бірінде қолға түсті.
Қазіргі таңда азаматшаға қатысты сотқа дейінгі тергеп-тексеру амалдары жүргізілуде.
Өз кезегінде полиция қызметкерлері тұрғындарға қырағы болуды және өз үйлерін қараусыз қалдырмау қажеттігін ескертеді. Сондай-ақ пәтер ұрлығы болған жағдайда жедел түрде «102» арнасына хабарласыңыз. Бұл полиция қызметкерлеріне қылмысты ізін суытпай ашуға көмектеседі.
Шымкент қ. ПД-нің баспасөз қызметі
Винтоверт DeWalt PowerStack DCF850E1T-QW АКБ и ЗУ в комплекте