Ташкентте самбодан әлем чемпионын өлтіріп кетті
Ташкентте төбелес кезінде пышақ жарақатын алған 29 жастағы қашқадариялық спортшы Камолиддин Расулов қайтыс болды.
Самбо бойынша жастар арасында әлем чемпионын, ұлттық күрес бойынша әлем біріншілігінің жеңімпазын өлтірді деп басқа бір спортшы күдікке ілінді.
Өзбекстан бас прокуратурасы хабарлағандай, оқиға 13 қыркүйекте Ташкенттің Үчтепе ауданында болған. Кешкісін күдікті делінген адам Камолиддин Расуловқа телефон соғып, оның кеңесімен сатып алған Humo Trop витаминдерін қолданғаннан кейін денсаулығы нашарлап кеткенін, дәрігерлер айықпас дерт деген диагноз қойғанын айтқан.
Телефонмен сөйлескеннен кейін, екеуі кездескен. Араларында жанжал шыққан. Төбелес кезінде күдікті Камолиддин Расуловқа бірнеше рет пышақ сұққан. Күдікті ұсталған. Бұл іс бойынша тергеу жүріп жатыр.
Жергілікті басылымдардың жазуынша, ұсталған адам дзюдо және ұлттық күрес бойынша Өзбекстан чемпионы.
Биыл тамызда Карши қаласында Элбек Рахимов деген спортшы қайтыс болған. Бұл оқиға бойынша алты адам ұсталған.
Винтоверт DeWalt PowerStack DCF850E1T-QW АКБ и ЗУ в комплекте