Тоқаев пен Путин жыл басынан бері телефон арқылы үш рет сөйлесті
Қазақстан президенті Қасым-Жомарт Тоқаев Ресей басшысы Владимир Путинмен телефон арқылы сөйлесті деп хабарлайды Ақорда.
Президенттер екіжақты қарым-қатынастың қазіргі жағдайы мен оны одан әрі нығайту перспективасын осыған дейін жоғары деңгейде қол жеткізілген уағдаластықтарды жүзеге асыру аясында талқылады.
Телефон арқылы әңгімелесу барысында көлік-транзит бағдарларын кеңейту және сауда-экономикалық байланыстарды одан әрі нығайту мәселелеріне айрықша назар аударылды.
Сондай-ақ екі ел басшылары алдағы уақытқа жоспарланған іс-шаралар кестесін қарастырды.
Бұл — екі ел президентінің жыл басынан бері үшінші рет сөйлесуі.
Бірінші рет 3 қаңтарда, Қаңтар оқиғасының бір жылдығы қарсаңында телефон арқылы сөйлесіп, екі елдің ынтымақтастығын одан әрі дамыта беретінін жеткізіп, мұнайгаз және энергетика саласында пікір алмасқан.
Екінші рет 20 қаңтарда сөйлесіп, «екі елдің стратегиялық әріптестігінің өзекті мәселелерін талқылаған».
Винтоверт DeWalt PowerStack DCF850E1T-QW АКБ и ЗУ в комплекте