Өзбекстанда күйеуіне ерегіскен әйел 11 айлық сәбиін суға лақтырып жіберді

Ферғана облысы Риштан ауданында 26 жастағы әйел азаматтық күйеуі ұлын мойындамай, алимент төлеуден бас тартқан соң, 11 айлық сәбиін Үлкен Ферғана каналына ағызып жіберді.

Сәбидің денесін екі күннен соң көрші ауылдың фермері тауып алған деп хабарлайды centralasian.org.

Ферғана облысында құқық қорғау саласында жұмыс істейтін дереккөз әйелдің екі рет тұрмыс құрғанын айтады.

«Ол жеңіл жүрісті келіншек. Д.П. деген азаматпен тұрды. Кейін ажырасқаннан кейін, оны сотқа беріп, баласына алимент өндіріп алмақ болды. Алайда сотта Д.П. бала өзінен емес екенін айтты. Әйел алимент өндіріп ала-алмағандықтан, ашумен баланы суға лақтырып жіберген. Алдымен ұлын лақтырған. Сосын өзі де секірмек болған, бірақ соңында қорқып қалған», – дейді куәгерлер.

«Баланың денесі фермердің жеріне дейін ағып барған. Сосын ол бірден милицияға хабарлады», – дейді құқық қорғау органдарындағы ақпарат көзі.

Алайда екінші бір дереккөз баласын суға лақтырған әйел жеңіл жүрісті болмаған дейді. Оның қаржылық қиындықтан психологиялық стресске түскенін айтады.

Қазіргі уақытта әйел қамауда, оның үстінен  қылмыстық іс қозғалған.

Винтоверт DeWalt PowerStack DCF850E1T-QW АКБ и ЗУ в комплекте