Жадоны «шошқаға» теңеген Меруерттің қорғаушысы оның әрекетін ақтап алатын дәлелдер келтіре алмады
Осыдан үш ай бұрын басталған әнші Меруерт Түсіпбаева мен сәнгер Жадыра Сахиева арасындағы дау-дамайға әлі де нүкте қойылар емес. Екінші рет сот отырысы өтсе де, Меруерт ханымның жүзін көре алмадық.
Ал әншінің қорғаушысы болса, жиналған БАҚ өкілдеріне мүлдем сұхбат беруден бас тартты. Алайда, қорғаушының айтуынша, әнші бүгінде Ресейдегі шипажайлардың бірінде ем қабылдап жатқан көрінеді. Сот отырысының болатын күнін біле тұра демалуға кеткен әншінің әрекетіне сәнгер аң-таң екен.
«Аң-таң болдым. Өйткені осы уақытқа дейін маған қоңыраулар шалды үлкен кісілер. Әншілеріміз, апайларымыз. Кешірімді бол дегендей. Мен ойлағанмын, осы жолы жарайды кездесейік мүмкін кешірім сұрап дегендей», — деді сәнгер Жадо.
Сот барысында Меруерттің қорғаушысы әншінің әрекетін ақтап аларлықтай бірде-бір дәлел келтіре алмады. Жеке басымды қорлап қана қоймай, өзімді «шошқаға» теңеді деген дизайнер әншіден 20 миллион теңге көлемінде моральдық шығын талап етті.
Екі бірдей өнер адамының соттасып жатқанын естіген Қыдырәлі Болманов жағасын ұстады. Мұндай жағдай кенеттен бола қалса, белгілі продюсер кешірімді болатын едім деп ағынан жарылды.
«Адам баласы жалпы бірнеше миллиондаған секунд өмір сүреді. Сонда қолыңнан келгенше, еліңе, ұлтыңа, досыңа, жақыныңа жылы сөз айтып кеткен дұрыс. Қазақ өнері былай көп көрінгенмен, онша көп те емес», — дейді Қыдырәлі Болманов.
Винтоверт DeWalt PowerStack DCF850E1T-QW АКБ и ЗУ в комплекте