Жетім балаларды асырап алғандар табыс салығынан босатылады
Бүгін Орталық коммуникациялар қызметінде жаңа салық кодексінің жаңашылдықтары баяндалды.
Жетім балаларды асырап алғандар енді табыс салығынан босатылады. Бұл туралы ұлттық экономика бірінші вице-министрі Руслан Дәленов мәлімдеді, деп хабарлайды Sputnik Қазақстан.
«Жетім балаларды асырап алғандар жылына 2,1 млн теңге табыс шегінде табыс салығын төлеуден босатылады», — деді Дәленов ОКҚ-де өткен брифингте.
Дәленов табыс салығынан ата-ананың тек біреуі ғана әр жыл сайын босатылатынын нақтылады. Аталған норма еліміздегі барлық бала асырап алушыларға қатысты.
«Мүгедек болып қалған баланың ата-анасының біріне жер салығы, тіркеу алымы, мемлекеттік баж бойынша жеңілдік (орта есеппен 9 мың теңге) болады. Бұл 76 мың азаматқа қатысты», — деді ол.
Винтоверт DeWalt PowerStack DCF850E1T-QW АКБ и ЗУ в комплекте