Қырғыз үкіметі шекарадағы жанжалда зардап шеккендерді қорғауға кепілдік берді

Қырғызстанның денсаулық сақтау және әлеуметтік даму министрлігі биыл 28-30 сәуірде Баткен облысында шекарада болған жанжалда зардап шеккендерге және қаза тапқандардың отбасыларына қосымша әлеуметтік кепілдік беруді ұсынды.

Құжат министрліктің ресми сайтында жарияланды.

Мәліметке қарағанда, жанжалдан зардап шеккендер, қаза тапқандардың кәмелет жасқа толмаған балалары мен ата-аналары 37 айлық есептік көрсеткіш көлемінде (3700 сом) жәрдемақы алады, мектепке дейін білім беру мекемелеріне тегін қабылданады, жоғары оқу орындарына түсуге жеңілдік алады, оларға медициналық көмек тегін көрсетіледі.

Еске салайық, биыл 28-30 сәуірде Қырғызстан мен Тәжікстан арасындағы шекарада қарулы жанжал болып, ондаған адам қаза тапты.

Источник