Қырғызстанда жеке медициналық мекемелердің қызметі тексеріледі

Қырғызстанның денсаулық сақтау министрлігі жанынан құрылған комиссия жекеменшік медициналық мекемелерді тексеруге кірісті. Бұл жөнінде министрлер кабинетінің төраға орынбасары Еділ Байсалов хабарлайды.

«Тіс емдеу мен косметологиялық қызмет түрін ұсынатын мекемелерде гепатит, ВИЧ жұқтырып жатқандар бар. Оларды кәсіп иесі деп санайды да, қызметі тексерілмейді», — деді Байсалов.

18 маусымда Ұлттық госпитальға түскен 41 жастағы әйел қайтыс болды. Ол жекеменшік клиникада ішіндегі майын кетіру үшін липосакция жасатқан. Осыдан кейін комаға түскен.

Мамыр айында денсаулық сақтау министрлігі 370 жеке клиникаға тексеру жүргізілгенін, олардың 111-ін жабу жөнінде акті қабылданғанын мәлімдеген.

Источник