Қырғызстан Қазақстанға кіретін жүк көліктерін мұқият тексереді
Қырғызстан Қазақстанға кіргелі тұрған жүк көліктерінің құжаттарын мұқият тексереді.
Сол үшін Салық қызметі, ІІМ, Көлік министрлігі және Шекара қызметі мамандарынан тұратын жұмыс тобы құрылды. Олар қырғыз-қазақ шекарасындағы «Ақ-Тілек» бақылау-өткізу бекеті маңындағы айналма жолда жұмыс істейді.
Салық қызметіндегілердің айтуынша, мұндай шара жүк көліктері шекарада кезек күтіп қалмас үшін қабылданған. Көлік жүргізушілері QR-коды бар жүктің электронды шот-фактурасын қағазға шығарып алуы керек.
Қазақстан мен Қырғызстан арасындағы шекарада жүк көліктері үнемі кезек күтіп тұрады. Кейде мұндай кезек бірнеше шақырымға созылып кетеді. 20 сәуірде шекарадағы төрт бақылау-өткізу пунктінде 300-ден аса жүк көлігі жиналып қалды.
Мәселені жақында екі жақтың үкіметі талқылады. Келіссөздер нәтижесінде тараптар жүк көліктері шекарадан еркін өтуіне жағдай жасауға келісті. Қазақстан электронды шот-фактурасы барларды тексермейтін болды. Қырғыз жағы мұндай құжаты жоқтарды шекараға жібермейді.
Тауарының электронды шот-фактурасы жоқ жүк көліктерін Қазақстан кері қайтарады.
Винтоверт DeWalt PowerStack DCF850E1T-QW АКБ и ЗУ в комплекте