2019 жылдың 29 қарашасында Шымкент қаласы Полиция департаментінің үлкен мәжіліс залында департамент қызметкерлерінің ұйымдастыруымен Қазақстан Республикасының Тұңғыш Президенті күніне арналған кең ауқымды мерекелік іс-шара өтті.
Шымкент қаласы Полиция департаментінің бастығы полиция полковнигі Е.М.Жумаханбетов мерекелік іс-шараны ашып, жеке құрамды атаулы мерекемен құттықтады.
Қоғамдық тәртіпті қамтамасыз етіп, халықтың құқығы мен бостандығының қорғалуы жолында ерекше көзге түсіп, үздік нәтижелерге қол жеткізгені үшін 80-ге жуық ішкі істер органдары қызметкерлері марапатталды. Оның ішінде Қазақстан Республикасы Ішкі істер министрінің бұйрығымен 11 қызметкер, департамент бастығының бұйрығымен 65 қызметкер марапатталып, 3 қызметкерге Қазақстан Республикасы Ішкі істер органдары мен Ұлттық ұлан ардагерлерінің кеңесімен берілген «Арман» санаториясына жолдама табысталды.
Салтанатты жиын соңы өнерлі полиция қызметкерлерінің қатысуымен концерттік бағдарламаға ұласты.
Шымкент қ.Полиция департаменті Баспасөз қызметі
newstaraz.kz