20 МЫҢ ЖАТ АҒЫМ ӨКІЛІ БАР
Қазақстанда деструктивті ағымдардың жолын ұстанатындар 20 мыңнан асады. Олардың көбі ірі облыстар пен басты қалаларда шоғырланған. Елордада өткен дінтанушылардың он бірінші форумында осындай ойлар айтылды. Жиында сондай-ақ, жат ағымдардың жолын
кесу, жастарды теріс жолдан сақтау мен ел болашағына төнген қауіптер де сөз болды. Бұл туралы Еуразия бірінші арнасы хабарлайды. Қанат Есов жат ағымның арбауына түскен жан. Діни сауатсыздық пен деструктивті ағымдар оның санасын әбден улаған ол, 2015 жылы Сириядан бір-ақ шыққан. Таяу Шығыстағы елге барған бойда құлағына құйылған ақпараттың бәрі жалған екенін түсінген. Сөйтіп, алты айдан кейін Қазақстанға кері қашқан. ҚАНАТ ЕСОВ, БҰРЫНҒЫ ЖАТ АҒЫМ ӨКІЛІ: «Мен келген бетте түсінген жоқпын қателіктерімді. Солардың арасында тұрып, істерін көріп, эмоциямен кіріп кеттік қой. Роликтарды көрсетті, бізде шариат деді. Ешқандай шариат жоқ ол жерде. Орысша айтқанда, вооруженное группа людей, прикрытое исламскими лозунгами, девизами и определенно под политическам деген нәрсе. Фундамент осы. Ол жерле ислам мемлекетінің иісі де жоқ». Қанат Есовтың жарты жылдық «теріс жиһады» оның 6 жыл бас бостандығының шектелуімен аяқталды. Бірақ, ол тек тең жартысын өтеп шыққан. Азамат қазір райынан қайтқан. Бұл бір жағдай. Санақтарға сүйенсек, елімізде жат ағымның жетегінде жүргендер әлі де жеткілікті. Сорақысы сол, олар ірі облыс-қалаларда шоғырланған. СЕРГЕЙ ШВЕЙКИН, ҚР ҰЛТТЫҚ ҚАУІПСІЗДІК КОМИТЕТТІ ТЕРРОРИЗМГЕ ҚАРСЫ ОРТАЛЫҚ БАСШЫСЫНЫҢ ОРЫНБАСАРЫ: «Қазіргі таңда біздің есебіміз бойынша, Қазақстанда деструктивті идеологияны ұстанатындардың саны 20 мыңнан сәл асады. Олардың көбі — Атырау мен Түркістан облысында, Қарағанды мен Ақтөбе облыстарында, Нұр-Сұлтан мен Алматы қалаларында. Осыған байланысты біздің басты міндет діни ахуалды оңалту»
Тәуелсіз Қазақстан тарихында діни білімі жоқтығынан, жастық леппен террористік ұйымдар құрамына 800 отандасымыз өтіп кеткен. Олардың біршамасы соғыс ошақтарында көз жұмған. Қалғанын еліміздің Ұлттық қауіпсіздің комитеті «Жусан» арнайы операция аясында қайтаруда. Аяғын шалыс басқандармен Бас мүфти Серікбай қажы Ораз жұмыс жүріп жатқанын айтады. Имамдар жыл сайын 500-ден астам адамды жат ағымнан кері қайтарған. СЕРІКБАЙ ҚАЖЫ ОРАЗ, ҚАЗАҚСТАН МҰСЫЛМАНДАРЫ ДІНИ БАСҚАРМАСЫНЫҢ ТӨРАҒАСЫ, БАС МҮФТИ: «Қоғамның ағартушы тобын жататын имамдардың тынымсыз қазметін ескеріп, оларға да әлеуметтік тұрғыда қолдау жасалса деген ұсынысым бар. Әсіресе, жүзге жуық еліміздегі түзеу мекемелерінде жұмыс жасайтын дін қызметкерлеріне тұрақты жалақы тағайындалса. Бұл адам тағдырына жауапкершілікпен қарап, есеп үшін емес, елдің игілігі үшін қызмет етіп жүрген дін қызметкерлеріне көрсетілген қамқорлық, әділ баға болар еді». Діни радикализмды жасырын ұстанған отбасылардан қорқу керек дейді дінтанушылардың он бірінші форумына жиналғандар. Әсіресе, теріс пиғылмен отансүйгіштікке баулымайтын, мемлекеттің саяси бағдарымен бөліспейтін жанұялардан қауіптену керек
екен. ТОЛҒАНАЙ МҰСТАФИНА, «ҚОҒАМДЫҚ ПРОЦЕССТЕРДІ ЗЕРТТЕУ ЖӘНЕ ТАЛДАУ ОРТАЛЫҒЫ» ҚОҒАМДЫҚ ҚОРЫНЫҢ АТҚАРУШЫ ДИРЕКТОРЫ «Олар заңғы қайшы шықпайды. Бірақ, қандай қаупі бар? 10-15 жылда олар есейіп, орта топ, қызмет жасайтын азаматтарға айналады. Сонда олардың мемлекетсүйгіштік қасиеті болмаса, елді сүймесе, олар сатып кетуі мүмкін. Ол осы елге еңбегімді сіңірем, осында кіндік қаным тамды деген алаңдаушылық мүмкін». Форумда айтылған мәліметке сенсек, 21-ғасырдың басынан бері жер жаһанда лаңкестер 72 мыңнан астам терракт жасаған. Салдарынан 170 мың адам көз жұмған. Жоғарыда айтқандай, көбіне радикалды насихат қақпанына көзқарасы қалыптаспаған жастар түсіп қалады екен. Сондықтан мамандар ересектерге өз жақындарының кіммен араласатынын, қандай жолмен жүргеніне бас-көз болуға шақырады.
newstaraz.kz