«ҚАЗАҚ ҮНІНЕ» ШАБУЫЛ және ҚАЗЫБЕК ИСАҒА ЖАЛА ЖАБУ!!!
Кінәлі академик басымен жалған сөз таратып отырған Жұрынов па, тексерусіз жариялаған сайт па, әлде жалған ат жамылған жалақор автор ма?
Құрметті ағайын! Бүгін «Қазақ Үні» ұлттық порталына хаккерлік шабуылдар жасалды. Сайт жабылып қалды. Біздің програмистер қолдан келерін жасап-ақ жатыр. Сәйкестігін қараңызшы, дәл бүгін БАҚ-та «Қазақ Үні» редакциясы мен президенті, белгілі ақын, қоғам қайраткері Қазыбек Исаны арандатушы деп жала жапқан мақала жарық көрді. Бұл таза тапсырыспен жазылған мақала.
Біздің порталға министр мен ведомство жұмысы туралы жарияланған барлық мақалалар өзге ақпарат құралдарынан көшіріліп алынған. Біз екі тараптың да пікірін қатар беріп отырмыз. Ісмақованың материалдары да бізге дейін «Қазақ әдебиеті» мен «Ана тілінде» жарық көрді. Сағадиевтің әрбір жауабын жариялап отырмыз. Шуға айналған мақаланың авторы КТК арнасы. Ал алты академиктің Сағадиевтің әрекеттеріне қарсы шыққан Ашық хаты бізде жарияланған жоқ, тек Қазыбек Исаның мақаласында Абай.кз сайтына сілтеме жасалып, аталып өтті.
Академик Мұрат Жұрынов академик басымен ұлт мүддесі үшін шырылдап жүрген ақын Қазыбек Исаны жалған сөзімен арандатушы етіп отыр… Бірақ, бұл сөзі үшін заң алдында жауап беретінін айтқымыз келеді. «Әділет Елеусізұлы» деген жалған ат жамылған автор да жазасыз қалмайды.
«Қазақ Үні» порталын арандатты деп жала жапқандардың барлығымен заң арқылы күресуге дайынбыз.
«Қазақ Үні» ұлттық порталының Бас редакторы
Азамат Тасқараұлы