Дінтанушы: Мешітте туған күнін жасаған Қарақатқа аянышпен қарадым

«Бүгінде Қарақаттың орталық мешітте жасаған туған күні қызу талқыға түсуде. Мен елдің бұл оқиғаны талқыға салып жатқанына таңғалып отырмын. Біздің әртістердің мұндай әрекеттеріне етіміз үйреніп кеткен, оларға кешіріммен қарауымыз керек. Олардан не сұрауға болады?! Олар, менің түсінігімде, кішкентай бала сияқты.

Біздің әртістер қауымы Анджелина Джоли, Брэд Питт немесе Леонардо Ди Каприолардың деңгейіне жеткен жоқ. Отандық жұлдыздардың қайырымды істерінен мысал келтіре аласыз ба? Олардың біреуі жетімдер үйінен бала асырап алды ма? Немесе оларға түнейтін орын салып бере алды ма? Банкирлер, олигархтар, тіпті қылмыскерлердің мешіт салып бергенін білемін. Бірақ шоу бизнес өкілдерінен салып бергендерін білмеймін. Олар, бәлкім, мұндай қайырымдылық жасау үшін соншалықты бай емес шығар», — деп жазды ол.

Сонымен бірге, оның ойынша, мұндай әрекет Димаш Құдайбергеннің ғана қолынан келер еді.

«Әнші Қарақат мешітте балалар үйіндегі балалардың  туған күні жасап берсе, онда елдің барлығы оған тамсанар еді. Мен мешітте туған күнін өткізген бұл әншіні аяймын. Ол ең алдымен ата-анасына көлеңке түсірді», — деп өз пікірін білдірген ол Қарақатты аяйтынын айтты.

Бұдан бөлек Мұрат Телібеков мешіт басшыларын да сынады.

«Егер мешіт басшылығы туралы айтар болсам, имамдарды түсінуге болады. Біздің рухани үйіміз коммерциялық мекемелерге айналғалы қашан. Оларды сынға алудан аулақпын, себебі, оған көндігіп, қалыпты жағдай ретінде қабылдағанмын. Көптеген мешіттерде коммерциялық сауналар мен массаж жасау салондары болса, таңғалмаймын», — деп жазады Мұрат Телібеков.