Новости на Newstaraz.

Экс-депутат өзінен 12 мың доллар сұраған бойжеткеннің бетін қайтарып тастады

0

Фото: Facebook

Бұрынғы мәжіліс депутаты Тәңірберген Бердоңғар Facebook парақшасында өзінен төрт миллион теңге сұраған бейтаныс әйелдің өтінішін жариялады. Бойжеткеннің озбыр қылығы таңғалдырғанға ұқсайды, экс-депутат жазбасын мысқылмен жазған деп хабарлайды NUR.KZ.

«Маған бейтаныс әйелден бір хат келіпті. 12 мың доллар сыйға тартуымды өтінеді. Артық ақшаларыңыз жатса, осы қызға салып жіберіңіздерші, тіпті жағдайы төмен адамдарға беремін деп жоспарлап жүрсеңіз де! Уақыт бөліңіз! Мына әйелге қатты қажет болып тұр екен«, — деп мысқылдайды Тәңірберген Бердоңғаров.

Экс-депутат ары қарай өзіне келген хатты көпке жайып салған:

«Менің атым Құралай Ахметова, мамандығым — киім дизайнері. Осы сала бойынша ең мықты университетте — Кэмбридж бейнелеу және театр өнері мектебінде оқу бала кезден арманым. Оған оқуға түсу мүмкін еместей көрінетін, бірақ мен табандылықпен мақсатыма ұмтылдым. Қазіргі кезде арманымдағы университетке қабылдандым, және оқу ақысының жарты бөлігі қолымда тұр. 

Сізге хат жазу себебім маған демеушілік көмек қажет. Маған оқу ақысын төлеуге аз-ақ уақыт қалғандықтан, сізден белгіленген соманы толықтыруға ат салысуды қарастыруыңызды сұраймын.   

Маған көмектесу ниетімен кез келген соманы аударсаңыз, алғысымды білдіремін. Университтетің шақыру қағазын тіркеп жіберемін.

Маған қажет қаражат 4 миллион теңге ($ 11940)«, — деген хат авторы өзінің карта шотын жазуды да ұмытпаған.

Тәңірберген Бердоңғар ақша сұраған әйелді тәрбиесіз деп атады. Оған басқа да желі қолданушылары қосылып, осы сынды пікір білдірген.

Вам также могут понравиться

Оставьте ответ

Ваш электронный адрес не будет опубликован.