Көпбалалы әйел жүкті екенін тууға бір сағат қалғанда бір-ақ білген
Нәресте. Көрнекі фото: chmag.ru
АҚШ-та көпбалалы ана тууына бір сағат қана қалғанда жүкті екенін біліп, есеңгіреп қалды. Бұл туралы NUR.KZ порталы bagnet.org сайтына сілтеме жасап хабарлайды.
Джорджия штатында тұратын Стефани Джегерс бүйрегіндегі тасына бола ауырсындым деген оймен дәрігерлерге жүгінеді. Алайда дәрігердің диагнозы әйелді есеңгіретіп тастайды. Сіз жүктісіз деген дәрігерге әйел әлі етеккірі келіп жүргеніне алға тартып, қарсылық білдіреді.
Алайда УДЗ дәрігердің сөзін растап, тіпті бір сағаттың ішінде босанып қалатынын айтқан. Расымен бір сағаттан кейін әйел сәтті босанып, ұлын Шон деп атады.
Бұған дейін үш рет балалы болған ана кезекті жүктілігін аңдамай қалғанына аң-таң. Ал ата-анасына нағыз тосын сый болған нәресте дүниеге дін-аман келген.
newstaraz.kz