Күйеуін қорғамақ болған қарағандылық келіншек полицейді аяусыз ұрып тастады
Көрнекі фото: 7info.ru
25 жастағы келіншек күйеуімен және достарымен бірге Қарағандыдағы кафелердің бірінде туған күнін атап өтіп жатқан. Ішімдікке сылқия тойған күйеуі таза ауа жұту үшін далаға шығып, кейіннен бір топ жігіттерге шүйлігеді.
Арадағы түсініспеушілікті байқаған куәгерлер полиция қызметкерлерін шақырады. Үш полицей күйеуінің бұл әрекетіне тоқтау қоймақ болғанымен, келіншек дереу полиция сержантынаның қасына барып, иығындағы шенін жұлып алып, жұдырықпен үш рет соққы жасайды.
Ол аз дегендей, туған күн иесі қызметтік міндетін атқарып жүрген полицейлерге бейәдеп сөздер айтады. Бір қызығы, келіншек полицейлермен әлек болып тұрғанда оның күйеуі оқиға орнынан тайып тұрған.
Бүгінгі таңға дейін ішімдік ішкен ер азамат іздеуде жүр. Ал келіншекке жаза ретінде сот бір жылға бас бостандығынан айыру және айыппұл салу туралы шешім шығарды.
Винтоверт DeWalt PowerStack DCF850E1T-QW АКБ и ЗУ в комплекте