Мұрат Нұртілеу сыртқы министрі қызметіне тағайындалды
Тоқаев бүгін, 3 сәуірде президент әкімшілігінің бұған дейінгі жетекшісі Мұрат Нұртілеуді премьер-министрдің орынбасары – сыртқы істер министрі етіп тағайындады.
Ресми баспасөздің хабарлауынша, ол Мұхтар Тілеубердінің орнына келді.
Мұрат Нұртілеу президент әкімшілігінің жетекшісі қызметін 14 ай атқарды. Қасым-Жомарт Тоқаев Қазақстан президенті әкімшілігінің жетекшісі қызметіне Олжас Бектеновті тағайындады. Ол бұған дейін сыбайлас жемқорлыққа қарсы іс-қимыл агенттігі төрағасы лауазымын атқарып келген.
2022 жылғы Қаңтар оқиғасынан кейін Мұрат Нұртілеу ұлттық қауіпсіздік комитеті төрағасының бірінші орынбасары қызметіне тағайындалған. Ол бұл қызметті бір ай ғана атқарды. 1 ақпанда президент жарлығымен президент әкімшілігінің жетекшісі атанды.
Азаттық екінші президенттің туыстарының байлығы туралы зерттеуінде Тоқаевтың ұлы мен Нұртілеудің інісінің іскерлік байланысы бар екенін жазған.
Қорғаныс министрі Руслан Жақсылықов пен ішкі істер министрі Марат Ахметжанов қызметтерінде қалды. Президент жарлықтары дүйсенбі күні Ақорда сайтында жарияланды. Екеуі де жаңа қызметтерге 200-ден астам адам қаза болған Қаңтар оқиғасынан кейін тағайындалған.
newstaraz.kz