Мирзияев: 2023 жылы шенеуніктердің үштен бірі қысқарады
Өзбекстанда 2023 жыл Адамды қастерлеу және сапалы тағлым жылы деп жарияланды. Президент Шавкат Мирзияев 20 желтоқсанда парламент пен халыққа үндеуінде осылай деп мәлімдеді.
Мирзияев жаңа жылдың не себепті бұлай аталатынын түсіндірді.
«Біз тұрғындар мүддесі мен Өзбекстанның мемлекеттік саясатындағы ықпалын қорғау қажет деп есептейміз. Себебі басты байлығымыз — шығармашыл азаматтарымыз, ата-анамыз, өскелең ұрпақ. Солай емес пе? Осы елде өмір сүретін әрбір адам бақытты ғұмыр кешкенін, оның денсаулығы мықты болып, сапалы білім алғанын, отбасын асырағанын қалаймыз. Біз бұл жолдан ешқашан таймаймыз», — деді президент халыққа үндеуінде.
Былтыр президент 2022 жылды «Адам мүддесін қорғау және махаллаларды дамыту жылы» деп жариялауды ұсынған.
Мирзияев 2023 жылдан бастап үкіметтің жұмыс істеу әдісі түпкілікті өзгеретінін, министрлер мен мекемелер саны 61-ден 28-ге қысқаратынын айтты.
Мемлекет басшысының айтуынша, министрлер ауысып, шенеуніктердің 30-35 пайызы қысқарады, ал үнемделген қаражат халық мұқтажына жұмсалады.
newstaraz.kz