Мысырда мумияға айналған төрт метрлік қолтырауын табылды (фото)

Олардың бұл жолы қолына мумияланған алып қолтырауын түсіп отыр. Алдын ала зерттеу нәтижелері мақұлықтың ұзындығы 4 метр болғанын дәлелдейді.

Мумияланған мақұлық денелері Ніл өзенінің шығыс жағалауындағы Наг-Хаммади ауданынан табылған. Айта кетейік, бұл жерде перғауындарға жақын адамдардың, лауазымды тұлғалардың мазары орналасқан.

Мазар басын зерттеу кезінде бальзамдауға арналған құрал-саймандар, сондай-ақ мумияны жерлер алдында ораған кенеп маталар табылған.

Археологтардың айтуынша, төрт мертлік алып қолтырауын египеттіктердің ерте замандағы су құдайы Себек болуы мүмкін. Жергілікті халық сенімінде су құдайы қолтырауын сұлбасында болған көрінеді.