Қорықты тексеруге шыққан орманшылар екі күн бойы далада адасып жүрген

Әріптестері іздеп-іздеп таппаған соң, бір тәуліктен аса уақыт өткеннен кейін орман шаруашылығының басшылары құтқарушылардан көмек сұрайды. Орманшылармен телефон арқылы байланысып отырса да, қарлы боранның салдарынан табу мүмкін болмаса керек.

Жоғалып кеткен азаматтарды іздеуге төрт құтқарушы арнайы көлікпен аттанды. Орманшылардың болуы мүмкін жерге жеткен соң, GPS бағыттаушысының көмегімен оларды тауып алады. Жігіттердің хәлі қанағаттандырарлық деңгейде болған.