Павлодар облысындағы Жасыбай көлінен тапанша табылды
Жастар көлдің түбінен тіпті радиаторлар алып шыққандарын айтуда.
Жасыбай көлінің түбіндегі тапаншаны Вячеславтың өзі тауып алған. Оның айтуынша, қару жағадан 10-12 метр қашықтықта жатқан. — Оттегі бар баллон болмаған кездері көлдің жағалауға жақын аумақтағы түбін зерттейміз, — дейді ол.
Олар тапаншаны полицейлерге тапсырды. Жастар көлдің түбінен тіпті радиаторлар алып шыққандарын айтуда. Мәселен, жуырда ғана сегіз секциядан тұратын шойын батарей тауып алған сарбаздар оның судың түбіне қалай түскеніне таң қалуда.
Айта кетейік, бес сарбаздан тұратын «Жасыл ел» су асты жасағы Баянауылда жаздың соңына дейін жұмыс істейді.