Сапарбаев сексендегі әжейді алдамақ болған саудагерге жекіп тастады (фото)

Ақтөбе облысының әкімі Бердібек Сапарбаев өткен жексенбіде «Табыс» коммуналдық базар ішін аралап жүргенінде, келеңсіз жағдайдың куәсі болды деп жазады aktobenews.kz.

Бақылау таразысының қасында тұрған сатып алушылардың бірі Бердібек Машбекұлына ет сатушысының өзін бағадан жаңылыстырғанын айтып шағымданды.

Әкім кінәлі сатушыға сол жерде ақ:

«Бұлай халықты алдайтын болсаңыз, сізге сауда жасауға рұқсат берілмейді!», — деп қатаң ескерту жасады.

Ал базарда тұрып, тары мен талқан, құрт сататын 86 жастағы Ханзада әжеге өңір басшысы риза болды. Әжейге қажет өнімді Әйтеке би ауданында тұратын келіндері дайындап, беріп жіберетін көрінеді.

«Бойымда күш қуатым бар кезде осылай жұмыс жасап, оларға көмектескенімнің несі айып», — дейді Ханзада әжей.

Қарт ананың белсенділігіне риза болған облыс басшысы:

«Міне, қит етсе жұмыс жоқ деп шағымданатын жастарымыз үшін үлгі болар жан. Халыққа көрсетіңдер. Осындай адамдар туралы жазу керек», — деді кейуанаға ризашылығын білдірген өңір басшысы журналистерге.