Басқару органдарының, құрамалар мен бөлімдердің 2020 оқу жылына арналған жауынгерлік даярлық жоспарына сәйкес «Шығыс» өңірлік қолбасшылығының әскери бөлімдерінде барлық санаттағы әскери қызметшілермен мамандық бойынша даярлықтар өткізілді.
Ол жауынгерлік даярлық аптасынан кейін басталады. Негізгі мақсат – әскери қызметшілердің жеке құрамының функционалдық міндеттерін, штаттық қару-жарақ пен әскери техниканы зерделеуі, атуды, штаттық байланыс құралдарымен жұмыс істеуді және алғашқы медициналық көмек көрсетуді үйрету.
Сабақтар әрбір әскери мамандық бойынша жеке өткізіледі. Әскери қызметшілер оқу топтарының құрамында жұмыс істейді. Оқытуды халықаралық сайыс пен оқу-жаттығулардың қатысушылары мен жүлдегерлері болып табылатын тәжірибелі әскери мамандар, нұсқаушылар жүргізеді.
«Шығыс» өңірлік қолбасшылығы әскерлерінің қолбасшысы полковник Асан Жүсіпов атап өткендей бүнгі таңда дайындықтан шамамен 7000 әскери қызметші өтуде. Оларға 500 оқу тобы мен 1100-ден аса тәжірибелі нұсқаушы-сержант тағайындалған болатын, соныме қоса оқу-материалдық база, әскери техника мен оқ дәрілер бөлінді.
Ай бойы 1000 аса жауынгерлік атыс, оның ішінде 500 –ге жуық атыстар түнгі жағжайда орындалды. Механиктермен және механик – жүргізушілермен жүргізу бойынша шамамен 500 сабақ өткізілді, оның 200 жуығы түнде орындалды. Жалпы алғанда әрбір жүргізуші ұрыс машинасынан 15 шақырымнан астам қашықтықты жүріп шыққан.
Еліміздің Қарулы Күштерінде тек сауатты, өз ісін жетік білетін жоғары білікті мамандар қызмет етуі тиіс. Ол мейлі снайпер, ұшқыш немесе танкист болсын. Сондықтан әскери қызметшілердің жауынгерлік даярлығының жеке түрі ретінде арнайы дайындыққа ерекше көңіл бөлінеді.
«Шығыс» өңірлік қолбасшылығының баспасөз қызметі
Винтоверт DeWalt PowerStack DCF850E1T-QW АКБ и ЗУ в комплекте