Түркіменстан: жол апатынан қаза болған әскердің саны 30-дан асты
Түркіменстанда жол апатынан қаза тапқан әскер саны 30-дан асты. Бұл туралы Азаттықтың түркімен қызметі қорғаныс министрлігінің сенімді дереккөзіне сүйеніп хабарлады.
Ол осыған дейін хабарланғандай 18 жауынгер емес, 30-дан астам адамның қаза болғанын растаған.
Ақпаратқа қарағанда, жол апаты әскери адамдар отырған он КамАЗ колоннамен Бекревин гарнизонына бара жатқанда болған.
Әскерлер Түркіменстан тәуелсіздігінің 30 жылдығына байланысты әскери парадқа дайындалып жатқан. Жол апаты 18 шілдеде болған. Жауынгерлер түскі ас ішіп, қайтадан әскери бөлімге қайтып бара жатқан. Көлік жолдан шығып, бірнеше рет аударылған. Тағы екі КамАЗда отырған 20-дан астам жауынгер зардап шеккен.
Куәгерлердің айтуынша, қаза тапқан жауынгерлердің арасында үш офицер болған.
newstaraz.kz