Тәжік журналисі қырғыз-тәжік шекарасындағы жанжал туралы фильм түсірді

Тәжік журналисі Орзу Исоев қырғыз-тәжік шекарасындағы қарулы жанжал жөнінде «Қызыл және қара: соғыстың түстері» деген 30 минөттік фильмін YouTube каналына жариялады.

Орзу Исоев фильмде “Озоди” радиосы тілшісінің «таймлайнын» (оқиғаны хронологиялық тәртіпте визуалдық түрде көрсету) қолданғанын жеткізді.

Фильм авторы «Головной» су қоймасында, Исфарадағы Хожаи Аъло ауылында болған. Фильмде журналистердің жанжал болған аймақтағы ауыр жұмысын баяндайды.

28-29-30 сәуірде қырғыз-тәжік шекарасындағы қарулы жанжалда 36 қырғыз азаматы қаза болды. Тәжік билігі 19 адам қаза тапқанын мәлімдеді. Екі ел бұл үшін бірін-бірі айыптап, қылмыстық істер қозғады.

Источник