Тәжікстан президенті өзінің ұлын парламент депутаты етіп сайлады

Бұл туралы centralasian.org хабарлайды.

Душанбе қаласы сайлау комиссиясының төрағасы Абдулло Холиков 3 сәуірде №25 сайлау округі бойынша өткен сайлауда Рустами Эмомали 84,8 пайызбен жеңіске жетті деп мәлімдеді.

Оның қарсыластары Демократиялық партия атынан түскен Хикматулло Саидиён 2,63 пайыз, Аграрлық партия атынан түскен Фазлиддин Икромов 7,81 пайыз дауыс жинаған.

№25 және №62 сайлау округы бойынша аралық сайлау Душанбе қаласында 2 сәуірде өткен.

Рустами Эмомали 12 қаңтарда Тәжікстан президенті Эмомали Рахмонның жарлығымен Душанбе қаласы әкімінің міндетін атқарушы болып тағайындалған. Ол бұл қызметте 19 жыл бойында отырған Махмадсаид Убайдуллоевты ауыстырды.

Рустами Эмомали жеңіске жеткеннен кейін Тәжікстан президенті оны толыққанды Душанбе мэрі етіп тағайындау жөнінде жарлық шығарады. Қазір ол Душанбе қаласы төрағасының міндетін атқарушы ғана.