Әйелдің әуретті жерін ұстап, болашақты болжайтын сәуегейлер Қазнетті «дүрліктірді»

Өзін сәуегей деп таныстырған Артем есімді ер адамның хабарламасы Қазнетті «дүрліктірді». Онда Артем нәзік жандылардың әуретті жерін ұстап, олардың болашағын болжайтынын жазған.

Айта кетерлігі, бұған дейін мұндай қызмет түрін сібірлік Дионисий есімді балгер ұсынған екен. Сол кезде оның қызметі үлкен сұранысқа ие болған көрінеді. Алайда әйелдердің күйеулері сәуегеймен «оңашада ерлерше» сөйлескеннен кейін Дионисий бұл қызметті көрсетуді доғарыпты.

Дегенмен тез арада оның ізбасарлары табылып, ер адамның ісін жалғастыра бастаған. Астаналық сәуегейлер болса, мұндай оғаш болжау түрі барынан бейхабар екен.

Тек бір балгер сәуегейліктің бұл түрі Вавилон ғибадатханаларының абыздарынан тарағанын айтып, бүгінде ол қолданыстан шыққанын алға тартты. Тағы бірі жыныс мүшесінен бал ашуды тек Бутандағы ерекше ғибадатханада үйрететінін айтып қалды.

«Ондай қызмет түрін бүгін ұсынып жүргендер не алаяқтар, не азғындар», — деп сөзін аяқтады қазақстандық балгер.

Ал Yandex.ru мәліметіне сүйенсек, соңғы ай ішінде әуретті жер арқылы бал ашуға Қазақстаннан тоғыз адам және әлемнен 319 адам қызығушылық танытқан.