Новости на Newstaraz.

Қытайлық азамат қос қызына қазақша той жасап, желіні дүрліктірді (фото)

0 179

Тойларын қазақша өткізген қытай ұлтының жас жұбайлары. Фото: Ғаламтордан.

Қытайдағы Іле аймағы, Шапшал ауданынан қарасты Кішібура қыстағында жергілікті қытай азаматы қос қызына қазақша той жасап, бір күнде ұзатқан деп хабарлайды NUR.KZ
порталы қытай басылымдарына сілтеме жасап.

2016 жылдың күзінде болған той туралы қытайдағы басылымдар жарыса жазып, әртүрлі пікір білдірген. Мақаладағы деректер мен дәйектерге сүйенсек қыз ұзату шарасына қазақ, қытай, дүңген, ұйғыр секілді түрлі ұлттардан қонақтар келіп, той қазақ және қытай тілінде өткізіліпті. Тіпті, мерекенің ашылу салтанаты сексеннен асқан қазақ қариясының ақ басаымен басталған.


Тойда қонақ болған қазақ полицейі жұбайымен (қызыл күртешедегі) той иелеріне қазақша шапан мен шәлі жауып, сый-сияпат жасауда. Фото: Ғаламтордан.

Ал, қазақшыл қытай азаматы болса ұзатылып бара жатқан қыздарына сәукеле мен кестеленген ұлттық көйлек, ал күйеу балаларына қазақы тақия мен шапан кигізіп төрге отырғызған.

Қытайдағы Кішібура қыстағында 800-ге тарта отбасы тұрады. Оның 80 пайызға жуығы қазақ, 13 пайызы ұйғыр, 11 пайызы қытай екен. Қызын қазақ салтымен ұзатқан қытай азаматы сол ауылдың тумасы. Жастайынан қазақпен етене араласып, салт-дәстүріне қанық өскен болып шықты.

Кейін белгілі болғандай қытай азаматы жергілікті басылымның біріне берген сұқбатында өз іс әрекетін «Ұлттар ынтымағының берекелі шаңырағы» деп аталатын үкімет жанынан жоспарланған арнайы шараның аясында жасадым деп түсіндірген.

Получайте обновления в реальном времени прямо на вашем устройстве, подписаться прямо сейчас.

Вам также могут понравиться

Оставьте ответ

Ваш электронный адрес не будет опубликован.