Қызылордалық шахматшы Әсел Серікбай Астанада бір мезгілдік сеанс өткізді
«ЭКСПО-2017» халықаралық мамандандырылған көрмесі аясында Қызылорда облысының мәдени күндеріне орай орталық шахмат клубында Әсел Серікбай 12 тақтада бір мезгілдік сеанс өткізді, деп хабарлайды NewTimes.kz.
Оған Қызылорда облысы әкімінің орынбасары Руслан Рүстемов қатысып, алғашқы жүрісті бастап берді.
Сеансқа Астана қаласы мен Қызылордадан 12 шахматшы қатысты. Олардың екеуі қызылордалық, қалғаны Астана қаласының шахматшылары. Сыр елінен қатысқан спортшылар Дінасыл Ғалымжанұлы мен Нұрмұхаммед Бұхарбай №2 «Мұрагер» мектебінде оқиды.
Ә.Серікбай – шахматтан облыс тарихындағы алғашқы ФИДЕ шебері. Жасөспірімдер және жастар арасында 8 дүркін Қазақстан чемпионы, жасөспірімдер арасында 3 дүркін Азия, оқушылар арасында 2 дүркін Әлем чемпионы. Айта кетейік, Әсел осымен екінші мәрте сеанс өткізді.
Винтоверт DeWalt PowerStack DCF850E1T-QW АКБ и ЗУ в комплекте