Жамбылдық боксшы Фируза Шарипова — әлем чемпионы!
newstaraz.kz
newstaraz.kz
Қазіргі таңда кәсіпқой рингке сегіз кездесу өткізіп, оның жетеуінде басым түскен.
Бокстан Қазақстан Республикасының спорт шебері, Жамбыл облысының тумасы Фируза Шарипова әлем чемпионы атанды, деп жазады www.zakon.kz.
Бүгін Астана қаласы «ЭКСПО-2017» халықаралық мамандандырылған көрмесінің Амфитеатр сахнасында кәсіпқой боксшы Фируза Шарипова болгар боксшысы Милена Колеваға қарсы кездесу өткізіп, төрешілердің біріңғай шешімімен жеңіске жетті. Фируза Шарипова аталған кездесуде жеңіл салмақтағы WIBA және WBU нұсқалары бойынша әлем чемпионы атағына таласқан болатын.
Қазіргі таңда кәсіпқой рингке сегіз кездесу өткізіп, оның жетеуінде басым түскен.
Похожие статьи
Фируза Шарипова Жамбыл облысының Тараз қаласында 1994 жылы 29 тамызында дүниеге келген. Тараз қаласының №39 орта мектебінің түлегі. Алғашқы спорттық жолын облыстық бокс мектебінде 2007 жылдан бастаған. Жаттықтырушысы — Ерік Алғабек.
2013 жылдан бастап «Жамбыл» бокс клубына қабылданып, осы аралықта облыстық және республикалық чемпионаттар мен халықаралық жарыстарда жеңімпаз-жүлдегер атанып келеді. Тарқатып айтсақ, 2010-2011 жылдары жасөспірім қыздар арасындағы Қазақстан Республикасының чемпионатының екі дүркін жеңімпазы, 2011 жылы қыздар арасындағы Әлем чемпионатының қатысушысы (Анталья, Турция), 2012 жылы жастар арасындағы Қазақстан Республикасының чемпионатының (64 кг) жеңімпазы, 2012 жылы жастар арасындағы Азия чемпионатының (64 кг) қола жүлдегері (Улан Батор, Манголия), 2012 жылы жастар арасындағы Әлем чемпионатының қатысушысы (Пекин, Қытай), 2013 жылы әйелдер арасындағы Қазақстан Республикасының чемпионатының (60 кг) жеңімпазы, 2014 жылы әйелдер арасындағы Қазақстан Республикасының чемпионатының (60 кг) күміс жүлдегері, 2015-2016 жылдары әйелдер арасындағы Қазақстан Республикасының чемпионатының (60 кг) қола жүлдегері атанды.
Фируза Шарипова 2016 жылдан бастап кәсіби спорттық жолын бастаған болатын.
Сондай-ақ, кәсіпқой бокстан әйелдер арасында әлем чемпионы атанған тұңғыш қазақстандық боксшы.