Жасы отызға таяп қалған Луина күйеуге шығуды армандап жүр (фото)

Танымал әнші Луина тұрмысқа шығуға дайындалып жүрген сыңайлы. Жуырда әлеуметтік желіге той көйлегін киіп түскен суретін салды. Аталған суреттен бойжеткеннің қалыңдықтарға арналған салонда жүргенін байқауға болады.

Бұл туралы Stan.kz хабарлайды.

Күні кеше 29 жасқа толған Луина туған күнін дүркіретіп атап өткен болатын. Аталған кеште журналистерге берген сұхбатында әнші тұрмысқа шыққысы келіп жүргенін, сәбилі болуды армандап жүргенін айтқан болатын. Алайда бес жылдан бері азаматтық некеде тұрып жатқан сүйіктісі ұсыныс жасамаған-ды.

Енді міне әншінің көптен күткен тілегі орындалып, тойға дайындалып жатқан сыңайлы.Той көйлегін киіп суретке түсіп, оны инстаграм желісіндегі парақшасына жүктеді. Десе де, бұл суретті қандай мақсатпен салғаны, сүйіктісінің ұсыныс жасап, жасамағаны әзірге белгісіз.

Желі қолданушылары суретке қарап әнші өз тойына дайындалып жүр деп болжады. Мұнымен қатар, макияжының сәтті шыққанын айтты.