«Құмтөр Голд Компанидің» бір айлық табысы 40 млн доллардан асты
Қырғызстан «Құмтөр Голд» компаниясына сырттай басқару енгізгеннен бергі бір айға жетпеген уақыт ішінде 44 мың унция алтын сатып, 40 миллион доллар көлемінде табыс тапқан.
Бұл туралы компания қызметкерлері 15 маусымда президент Садыр Жапаровпен кездесу кезінде айтқан.
Жапаров Құмтөрге барып, жұмыс барысымен танысқан.
Компания қызметкерлері кен мол шыққан жер қазыла басталса, алтын көлемі көбейетінін, жұмыс үзіліссіз штаттық режимде жүріп жатқанын, айлық уақытында төленіп, салықтарды да жоспарға сәйкес өтеп жатқанын жеткізді.
Құмтөр — Қырғызстандағы ең ірі алтын кені. Оны канадалық «Центерра Голд» компаниясы жүргізіп келген. Қырғызстанның үлесі 26 пайыз.
Қырғызстан «Құмтөр Голд» жалпы 4 миллиард 252 миллион 800 мың доллар төлеуге міндетті екенін, ал «Центерра Голд» болса, қырғыз жерінде ешқандай заң бұзбағанын айтып келеді.
Биыл мамыр айында мәселе парламентте қаралып, Қырғызстан «Құмтөр Голд» компаниясына уақытша сыртқы басқару енгізген.
Винтоверт DeWalt PowerStack DCF850E1T-QW АКБ и ЗУ в комплекте