Қырғыз үкіметі базарларда касса аппараттарын орнату ісін кейінге шегеруі мүмкін
Қырғызстан үкіметінің басшысы Ақылбек Жапаров «Ала-Тоо 24» телеарнасына берген сұқбатында жүргізіліп жатқан салық саясаты туралы айтты.
Жапаровтың мәлімдеуінше, кәсіпкерлерге 10 мыңға жуық касса аппараты тегін таратылып жатыр, бұған қоса осындай 20 мың салық аппаратына тапсырыс берілген.
«Біз базардағы саудагерлерге 1 сәуірге дейін касса аппараттарын қолданбауға рұқсат бердік. Қажет болған жағдайда жеңілдік мерзімін создырамыз. Бірақ біз бір жылда жасалған істі қарауымыз қажет. Мен базарлардың кәсіпкерлермен жұмыс істейтін қожайындарымен сөйлестім. Біз саудагерлердің тауарды қайдан алғанын көрсеткенін қалаймыз. Бізде тауар жеткізумен айналысатын 400 мыңға жуық ірі компания бар. Бұрын олар патентке 1,5-2 млрд сом төлеген. Біз олардан тауарды кімге саттың деп сұрағанымызда, патент иелеріне деп жауап берді. Осылайша олар 72 млрд сомды патентке жатқызып, оған салық төлемеді. Сол себепті біз базардағы саудагерлерден электронды жүйені қолданып, тауарды кімнен алғанын көрсетуін сұраймыз», — дейді Жапаров.
Бұның алдында Ақылбек Жапаров үкіметтегі отырыста кәсіпкерлер заң бойынша касса аппараттарын қолдануы тиіс деп мәлімдеген.
Қырғызстан үкіметі 2022 жылы жаңа салық кодексін енгізіп, кәсіпкерлерді касса аппараттарын орнатуға міндеттеді. Бұған шағын және орта бизнес өкілдері қарсы шығып, бірнеше мәрте наразылық акциясын ұйымдастырды. Үкіметтің салық саясатына әсіресе базардағы саудагерлер наразы.
Винтоверт DeWalt PowerStack DCF850E1T-QW АКБ и ЗУ в комплекте