Қырғыз билігі шекарадағы жағдай бақылауда екенін айтты
Ұлттық қауіпсіздік бойынша мемлекеттік комитет (ҰҚМК) төрағасы Камчыбек Ташиев шекарадағы жағдай бақылауда екенін айтты. Бұл туралы ол NUR-TV каналына берген сұқбаты кезінде айтқан.
«Соңғы 3-4 күнде шекарадағы жағдай қиындап кетті, көптеген қауіптер пайда болды, Кеше екі тарапты кездесу Көк-Ташта түнгі 12-1-лерде аяқталды. Жағдай бақылауда, шекара бекем, біз қызметтеміз», — деген Ташиев.
Шекара қызметі қырғыз-тәжік шекарасындағы Дахма аймағында оқ атылғанын 1 желтоқсанда хабарлаған.
Ресми хабарға сәйкес, 1 желтоқсанда кешкі сағат 9-дан өткенде қырғыз-тәжік шекарасы бойында Тәжікстан жақтан бірнеше рет оқ атылған. Тәжік билігі әлі бұл бойынша пікір білдірмеді.
Қырғыз-тәжік шекарасының бекітілмеген аймағында жиі ұрыс шығып тұрады. Биыл көктемде қарулы қақтығыс болып, екі тараптан да ондаған адам қайтыс болып, бірнеше адам жараланған.
Винтоверт DeWalt PowerStack DCF850E1T-QW АКБ и ЗУ в комплекте