Қырғыз парламенті жалған ақпараттан қорғану жөніндегі талас туғызған заң жобасын қабылдады
Жогорку Кеңештің 28 шілдедегі отырысында депутаттар қоғамда дау туғызып жатқан «Жалған және анық емес мәліметтен қорғау жөнінде» заң жобасының мақұлдаған вариантын қабылдады. Жобаны 97 депутат қолдап, бесеуі қарсы дауыс берді.
Аталған заң жобасы Жогорку Кеңештің 30 маусымдағы отырысында өтпей қалған. Бірақ 28 шілдеде депутаттар оны қайта дауысқа салуды ұсынған. 95 депутат қолдаған, тек бесеуі қарсы болған.
Бұл заң жобасы былтыр да қаралған. Бірақ сол кездегі президент Сооронбай Жээнбеков оған қол қоймай, жетілдіру үшін қайта парламентке өткізген.
«Медиа полиси» институты бұл жоба жөнінде кеңірек талдау жүргізген. Онда құжат Конституцияға, халықаралық келісімдерге қарсы келіп, адам құқығын, сөз еркіндігін шектейтіні атап өтілген. 28 шілде күні кері қайтарылған заң жобасына дауыс беру регламентке қарсы келетінін, оны тек алты ай өткен соң ғана қайта қарауға мүмкіндігі бар екенін жариялаған.
Change.org платформасында бұл заңға қарсы онлайн қол жинау да жүрген. Онда Жогорку Кеңештің депутаттарын заң жобасына қарсы дауыс беруге үндеу жарияланған.
Белсенділер президенттен бұл заң жобасына қол қоймауға шақырады.
Винтоверт DeWalt PowerStack DCF850E1T-QW АКБ и ЗУ в комплекте