Қырғыз президентінің баспасөз хатшысы Инандыны ұрлап әкетуге биліктің қатысы жоқ деді
Қырғызстан президенті Садыр Жапаровтың баспасөз хатшысы Эрбол Султанбаев «Орхан Инандыны ұрлап әкетуіне биліктің қатысы бар деген болжам ақылға сыймайтын нәрсе» деп мәлімдеді.
Ол Инандының жоғалғаны белгілі болғаннан Садыр Жапаров құқық қорғау органдарына тиісті тапсырма берді деді.
«Осыған дейін Орхан Инандыны үш рет ұрлап әкетуге әрекет болғаны, соңғысында арнайы қызметтің өкілдері құтқарып қалғаны белгілі болды. Арнайы қызмет оған оққағармен жүруге кеңес берген. Кеше сыртқы істер министрлігі Түркия елшісіне наразылық нотасын тапсырды. Олардан ресми жауап әлі келмеді. Бірақ олар Орхан Инандының Түркия азаматтығынан шықпағанын, түрік азаматы екенін ауызша жеткізді», — деді президенттің баспасөз хатшысы.
Жогорку Кеңеш 7 шілдедегі отырысында Инандының жоғалуы, одан кейін елден жасырын алынып кетуіне байланысты күш органдарының мәліметін тыңдады.
Тегі түркиялық қырғыз азаматы Орхан Инанды 1 шілдеге қараған түні жоғалып кеткен. Оның жақтастары табылуын талап етіп, бірнеше рет наразылық акциясын өткізді.
5 шілдеде Түркия президенті Режеп Тайып Ердоған Инандыны Түркияға жеткізілгенін жариялаған.
Винтоверт DeWalt PowerStack DCF850E1T-QW АКБ и ЗУ в комплекте