Қырғыз СІМ «Манас» университетінде ФЕТО туралы семинар өткенін тексереді
Қырғызстан сыртқы істер министрлігі «Манас» қырғыз-түрік университетінде ФЕТО туралы семинар өткенін тексереді.
Министрліктің ресми өкілі Авазбек Атахановтың пікірінше, «университет белгілі бір күштердің саяси пәлеқорлық құралына айналмауы тиіс».
31 мамырда «Манас» университетінде «Фетхуллахтың террористік ұйымы. Мемлекеттік білім баламасы» деп аталатын семинар өтті. Түркия билігі дін уағыздаушы Фетхуллах Гүлен ұйымын террористік топ деп есептеп, оны ФЕТО деп атайды.
Белсенді Гүлжігіт Исаков сыртқы істер минисрлігіне жүгініп, «жоғары оқу орны әлем террористік топ деп танымайтн ұйымға күйе жақты» деп мәлімдеді.
Түркия билігі Гүлен мен оның «Хизмет» қозғалысын 2016 жылы мемлекеттік төңкеріс жасауға талпынды деп айыптап отыр. Түркияда оның мыңдаған жақтасы ұсталды. Гүлен мен оның жақтастары тағылған айыптарды жоққа шығарды.
Түркия билігі Қырғызстандағы «Себат» білім беру мекемесінің ФЕТО-ға қатысы бар деп есептейді. 2016 жылы түрік билігі Қырғызстаннан «Себат» мектептерін жабуын сұраған. 2017 жылы мектептер жүйесінің атауы «Сапат» деп өзгерді.
Винтоверт DeWalt PowerStack DCF850E1T-QW АКБ и ЗУ в комплекте